Genesis 39:5 — Compare Translations

Kamba (MBIVILIA ŨVOO MŨSEO)

Kuma ĩvinda yĩla watw'ĩkĩthisye Yosevu mũnene wa mũsyĩ wake na syĩndũ syake syonthe, Mwĩai Ngai nĩwaathimie mũsyĩ wa Mũmisili ũsu nũndũ wa Yosevu. Mwĩai Ngai nĩwaathimie syĩndũ syonthe ila Votivalĩ waĩ nasyo, sya mũsyĩ na sya mũũndanĩ.

Kamba (Mbivilia) 1956

Na kweethĩwa kuma ĩvinda yĩla wamũtwie mũsyaĩĩsya nyũmbanĩ yake, na ĩũlũ wa kyonthe kĩla waĩ nakyo, Yeova aathima nyũmba ya Mũmisili kwondũ wa Yosevu; na ũathimo wa Yeova waĩ ĩũlũ wa kyonthe kĩla waĩ nakyo, nyũmbanĩ na mũũndanĩ.