Haggai 1:12 — Compare Translations

Kamba (MBIVILIA ŨVOO MŨSEO)

Nĩvo ĩndĩ Nzelũvaveli mwana wa Sealitieli, na Mũthembi Mũnene Yosua mwana wa Yeosataki, vamwe na andũ onthe ala masyokie kuma Mbavilonĩ kũla matwaĩtwe me ove, meanĩisye ũndũ Mwĩai Ngai, Ngai woo wamatavĩtye, na meanĩsya ũtũmani ũla mwathani Akai wamanengie. Meekie ũu me na kĩkĩo kya Mwĩai Ngai.

Kamba (Mbivilia) 1956

Nĩvo ĩndĩ Nzeluvaveli mwana wa Sealitieli, na Yosua mwana wa Yeosataki, mũthembi mũnene, vamwe na ũtialo w’onthe wa andũ, meewie wasya wa Yeova Ngai woo, na ndeto sya mwathani Akai, o tondũ Yeova Ngai woo wamũtũmĩte; na andũ meew’a w’ĩa vala ve Yeova.