Isaiah 39:2 — Compare Translations

Kamba (MBIVILIA ŨVOO MŨSEO)

Esekia nĩwathokisye atũmwa asu, na amony'a syĩndũ syonthe ila syaĩ nyũmbanĩ syake sya kwia syĩndũ: Silĩva, thaavu, syĩndũ ila inyungaa nesa, mauta me vata mũno, na mĩio yake yonthe ya kaũ, vamwe na syĩndũ syonthe ila syaĩ kũla waiaa mothwii. Vai kĩndũ o na kĩmwe katĩ wa syĩndũ ila waiĩte kũla waiaa syĩndũ, kana ila syaĩ ũsumbĩnĩ wake ũtaamony'a.

Kamba (Mbivilia) 1956

Na Esekia atana ũndũ wasyo, nake amon’ya nyũmba yĩ na syĩndũ syake syĩ vata mũno, vetha, na thaavu, na mĩtĩ ĩla ĩnyungaa nesa, na mauta me vata mũno, na nyũmba yonthe yĩ mĩio yake ya kaũ, na kyonthe kĩla kyoonekie mothwiinĩ make maie: vatyaĩ kĩndũ nyũmbanĩ yake, kana ũsumbĩnĩ wake w’onthe, kĩla Esekia ũtaamon’ya.