Isaiah 45:14 — Compare Translations

Kamba (MBIVILIA ŨVOO MŨSEO)

Mwĩai Ngai eĩa Ĩsilaeli atĩĩ, “Ũthwii wa nthĩ ya Misili na syĩndũ sya vata sya nthĩ ya Ethiovia ikatw'ĩka syenyu. Andũ aasa mũno ma nthĩ ya Seva, makooka kũla mũĩ na maitw'ĩka menyu. Makamũatĩĩa me ove, na maikumana mbee wenyu masye atĩĩ, ‘Ngai e weka e vamwe nenyu, na vai ũngĩ take; nowe Ngai e weka.’ ”

Kamba (Mbivilia) 1956

Ũũ nĩw’o Yeova ũnũkwasya, Wĩa wa Misili, na mĩio ya kũthoosya ya Ethiovia, na Aseva, andũ aasa mũno, makooka ngalĩ yaku, na makeethĩwa maku; makakũatĩĩa; makooka me ove na mĩnyololo; na makavalũka nthĩ mbee waku, makakwĩsũva, makyasya, Vate ndĩĩ Ngai e nthĩnĩ waku; na vati ũngĩ, vati Ngai ũngĩ.