Jeremiah 17:26 — Compare Translations

Kamba (MBIVILIA ŨVOO MŨSEO)

Vamwe na ũu, andũ makookaa kuma ndũanĩ sya Yuta na isionĩ ila ithyũlũlũkĩte Yelũsalemu, na angĩ kuma nthĩ ya mbaĩ ya Mbengyameni, kuma nthĩ ĩla yĩ nguumo wa iĩma yĩ ngalĩko ya ũthũĩlonĩ wa syũa, na nthĩ yĩ iĩma, na angĩ kuma ngalĩko ya ĩtheo ĩla yĩtawa Nengevu. Makaete nthembo sya kũvĩvw'a na nthembo ingĩ, nthembo sya lĩu wa mbaa mbeke na ũvani wa thooa mũnene wĩtawa ũvumba, vamwe na kũete nthembo sya kũtũnga mũvea nyũmbanĩ ya Mwĩai Ngai.

Kamba (Mbivilia) 1956

Na makooka kuma ndũanĩ sya Yuta, na kuma ndeenĩ sya Yelusaleme, na kuma nthĩ ya Mbenyamini, na kuma nthĩ ndindimalu, na kuma nthĩ yĩ tũlĩma, na kuma ngalĩ ya Ĩtheo, makĩete nthembo sya kũvĩvw’a, na nthembo sya kũtonywa, na nthembo sya mũtu, na ũvumba, na makĩete nthembo sya mũvea, nyũmbanĩ ya Yeova.