Jeremiah 25:9 — Compare Translations

Kamba (MBIVILIA ŨVOO MŨSEO)

ngatũmana mbaĩ syonthe sya ngalĩko ya ĩũlũ syũke, na ngatũmana Nevukatinesa mũsumbĩ wa Mbavilonĩ, mũthũkũmi wakwa; ngamaete mokite nthĩ ĩno na andũ ala matwĩe vo. O ta ũu makokita na mbaĩ syonthe ila ithyũlũlũkĩte nthĩ ĩno kũvika nĩsyanange vyũ, na kwitw'ĩkĩthya kĩndũ kya kũtelemya, kya kũvũthĩĩw'a na nthoni itakathela.

Kamba (Mbivilia) 1956

sisya, ngatũmana na kwosa mĩvĩa yonthe ya ngalĩ ya ĩũlũ, easya Yeova, na ngatũmana kwa Nevukatilesa mũsumbĩ wa Mbaviloni, mũthũkũmi wakwa, na kũmaete mokite na nthĩ ĩno, na ala mamĩtwĩe, na mbaĩ ii syonthe ithyũlũlũkĩte ngalĩ syonthe; na ngasyananga vyũ, na kwitw’ĩkĩthya ũseng’yo, na sya kũtimbwa, na mawanangĩko ma tene na tene.