Jeremiah 3:1 — Compare Translations

Kamba (MBIVILIA ŨVOO MŨSEO)

Mwĩai Ngai ekũlya atĩĩ, “Ethĩwa mũndũ-ũme nĩwataanĩsya na mũka auma kwake na atwawa nĩ mũndũ ũngĩ, nĩwaĩlĩte kũmwosa ethĩwe kĩveti kyake ĩngĩ? Ethĩwa akamwosa, ũndũ ũsu ndũkavukya nthĩ yoo mũno? We Ĩsilaeli wĩkĩte ũmalwaya na aũme aingĩ, nĩkũlya, yu nĩwaĩlĩte kũnzyokea?

Kamba (Mbivilia) 1956

Nao measya, Ethĩwa mũndũ akaeka mũka wake, nake akauma kwake, na kũtwawa nĩ mũndũ ũngĩ, ũ mũndũ mũũme wa mbee akamũsyokea ĩngĩ? Nthĩ ĩsu ndĩkathũkwa mũno? Ĩndĩ we nĩwĩkĩte ũmalwaya na anyanyau aingĩ, na ĩndĩ nũnzyokea ĩngĩ, easya ũu Yeova.