Jeremiah 39:16 — Compare Translations

Kamba (MBIVILIA ŨVOO MŨSEO)

“Enda ũkee Mũethiovia Eveti-meleki atĩĩ, ‘Nyie Mwĩai Ngai Mwene Ũtonyi W'onthe, Ngai wa Ĩsilaeli nĩasya kana nĩngwĩanĩsya ũndũ naisye ĩũlũ wa ndũa ĩno, kwa kũete ũndũ mũthũku na ti ũseo. Ĩvinda yĩu yavika ũkeeyonea ũu naisye ũyĩanĩa.

Kamba (Mbivilia) 1956

Enda, ũneene na Mũethiovia Eveti‐meleki, ũkĩmwĩa, Ũũ nĩw’o Yeova wa nguthu, Ngai wa Isilaeli, ũnũkwasya: Sisya, ngamĩetee ndũa ĩno ndeto syakwa nĩmĩke ũthũku, na ti kũmĩka ũseo; nasyo ikeanĩw’a mbee waku mũthenya ũsu.