Jeremiah 44:25 — Compare Translations

Kamba (MBIVILIA ŨVOO MŨSEO)

Mwĩai Ngai Mwene Ũtonyi W'onthe, Ngai wa Ĩsilaeli easya kana inyw'ĩ na iveti syenyu nĩmwĩanĩĩtye na meko menyu ũndũ mwaneenie mwasya atĩĩ, ‘Vate ndĩi nĩtũkwĩanĩsya mawĩvĩto ala tweevĩtie, kana nĩtũũvĩvĩsya Mũsumbĩ Mũndũ Mũka wa Ĩtunĩ ũvani, na kũmwĩtĩa nthembo sya kũnyuwa.’ Ĩanĩsyai ũndũ mweevĩtie! Ĩanĩsyai mawĩvĩto menyu!

Kamba (Mbivilia) 1956

Ũũ nĩw’o Yeova wa nguthu, Ngai wa Isilaeli, ũnũkwasya, akĩmwĩa, Inyw’ĩ na iveti syenyu nĩmũneenete na makanyw’a menyu, na kwĩanĩsya na moko menyu, mũkyasya, Tũitĩa kwĩanĩsya mawĩvĩto maĩtũ ala tweevĩtie, tũtoeesye mũsumbĩ mũndũ mũka wa ĩtunĩ ũvani, na kũmwĩtĩa nthembo sya kũnyuwa: lũlũmĩlyai ĩndĩ mawĩvĩto menyu, na mũyĩanĩsya mawĩvĩto menyu.