Joshua 20:9 — Compare Translations

Kamba (MBIVILIA ŨVOO MŨSEO)

Isu nĩsyo ndũa sya wĩvitho ila syanyuviwe kwondũ wa andũ onthe ma Ĩsilaeli na aeni ala mekalanasya namo. Mũndũ w'onthe ũla wooaa ũngĩ kwa mbanga nĩwakwataa wĩvitho vau nĩ kana ndakoawe nĩ mũndũ ũla ũkwenda kwĩyĩĩvanĩsya. Mũndũ ũsu ndaĩ atonya kũawa atambĩte kũsilĩlwa mbee wa andũ onthe.

Kamba (Mbivilia) 1956

Isu syaĩ ndũa ivathĩtwe kwondũ wa ana onthe ma Isilaeli, na kwondũ wa mũeni ũla wĩkalaa ũeni katĩ woo, nĩ kana o ũla ũkoaa mũndũ o na wĩva na mbanga nũtonya kũkĩĩa vo, ndakoawe nĩ kw’oko kwa mũĩvanĩsya wa nthakame, atanamba kũũngama mbee wa ũmbano.