Judges 7:13 — Compare Translations

Kamba (MBIVILIA ŨVOO MŨSEO)

Yĩla Ngitioni wavikie vau, nĩweewie mũndũ ũmwe aitavya mũnyanyae ĩũlũ wa ndoto waotete. Nĩwaneenaa nake ayasya atĩĩ, “Nĩotie ndyona mũkate ũuĩtwe na mũtu wa nganũ yĩtawa mbaale ũvingilitĩte na wooka vala twambĩte maeema na wakima ĩeema. Ĩeema yĩu nĩyĩombokie na yeenyasya nthĩ.”

Kamba (Mbivilia) 1956

Na yĩla Ngiteoni wavikie vo, sisya, kwaĩ mũndũ watavasya mũtindan’ya wake ndoto; na asya; Sisya, nĩnĩotie ndoto; na, sisya, kamũtũ ka mbaale kavingilitĩla mwako wa maeema wa Mitiani na kavika ĩeemanĩ, na kayĩkũna mũvaka yavalũka, na kayĩkũluman’ya, mũvaka ĩeema yeenyasya nthĩ.