Leviticus 13:28 — Compare Translations

Kamba (MBIVILIA ŨVOO MŨSEO)

Ĩndĩ ethĩwa vandũ vau vavye vakaendeea kwĩkala vate kũalyũka, na kĩtau kĩu kĩilea kũendeea na kũnyaĩĩkĩa mwĩĩnĩ, na kĩiendeea na kũvoa, ũsu ti ũwau wa mangũ. Mũthembi nĩatavany'e asye kana mũndũ ũsu nĩ mũtheu, nũndũ yĩu no ĩlanga yĩtiĩtwe ĩtina wa ĩvya yake yamina kũvoa.

Kamba (Mbivilia) 1956

Na ethĩwa vandũ vau vaw’engu vekalaa vamwe, na vatĩendeee kĩkondenĩ, ĩndĩ nĩvambĩlĩlye kũvoa; nĩ wimbu wa vala veũlalaka, na mũthembi akasya nĩ mũtheu: nũndũ nĩ ĩlanga ya vala veũlalaka.