Leviticus 23:18 — Compare Translations

Kamba (MBIVILIA ŨVOO MŨSEO)

Vamwe na nthembo ĩsu ya mũkate, mbaĩ yonthe ya andũ ma Ĩsilaeli mambumĩsye tũtena mũonza tũũme twa ĩlondu twĩ na ũkũũ wa mwaka ũmwe, kasalũ kamwe, na ndũũme ilĩ. Vaikethĩwe ĩmwe ya nyamũ isu yĩna kĩema. Nyie Mwĩai Ngai numĩw'e nyamũ isu syĩthĩwe nthembo ya kũvĩvw'a na iyumanĩw'a na nthembo ya ngetha ya mbaa mbeke, na nthembo ya kũnyuwa ya ndivai. Mũuke wa nthembo ĩsu nũmbendeeasya nyie Mwĩai Ngai.

Kamba (Mbivilia) 1956

Na vamwe na imũtũ mũkaete tũtena mũonza twa malondu tũte kĩema twa mwaka ũmwe, na kasalũ, na ndũũme ilĩ: ikeethĩwa nthembo ya kũvĩvĩw’a Yeova, na nthembo ya mũtu ya kũthembanĩsya nasyo, na nthembo sya kũnyuwa sya kũthembanĩsya nasyo, o nthembo ĩla ĩvĩvaw’a na mwaki, yĩ mũuke mũseo kwa Yeova.