Leviticus 4:35 — Compare Translations

Kamba (MBIVILIA ŨVOO MŨSEO)

Nĩvo ĩndĩ wĩumya mathunya onthe ma ĩlondu yĩu o ũndũ mathunya ma ĩlondu yĩla yũaawa yĩthĩwe nthembo sya ngwatanĩo maumaw'a. Nĩavĩvanĩsye mathunya asu vamwe na nthembo ila ingĩ sya kũvĩvw'a syumĩaw'a Mwĩai Ngai. Kwa nzĩa ĩsu mũthembi akeethĩawa aumya nthembo ĩsu ya kũvĩvw'a kwondũ wa naĩ ya mũndũ ũsu, nake ũ mũndũ aiekewa naĩ yake.

Kamba (Mbivilia) 1956

Na mathunya onthe mako akaumye, o tondũ mathunya ma katena ka ĩlondu maumaw’a nthembonĩ ya nthembo sya mũuo; na mũthembi akamavĩvĩsye kĩthembeonĩ, ĩũlũ wa nthembo sya Yeova ila ivĩvaw’a na mwaki; na mũthembi akathembe nthembo ya kũmwĩw’anĩthya ũsu nũndũ wa naĩ yake ĩla wavĩtisye, nake akaekewa.