Leviticus 4:7 — Compare Translations

Kamba (MBIVILIA ŨVOO MŨSEO)

Ĩtina wa ũu Mũthembi ũsu Mũnene nĩetĩkĩsye nthakame ĩmwe mĩthyanĩ ĩna ĩla yĩ konanĩ sya kĩthembeo kya kũvĩvĩsya ũvani, kĩla kĩ Ĩeemanĩ ĩtheu ya kũkomanĩa na Ngai. Nĩatulũle nthakame ĩla ĩkũtiala ĩtinanĩ ya kĩthembeo kĩla kĩtũmĩawa kwa kũthembea nthembo sya kũvĩvw'a, kĩla kĩ mũvĩanĩ wa Ĩeema yĩu ya kũkomanĩa na Ngai.

Kamba (Mbivilia) 1956

Na mũthembi akavake nthakame mbyanĩ sya kĩthembeo kya kũtoeesya ũvani wĩ mũuke mũseo mbee wa Yeova, kĩla kĩ ĩeemanĩ ya kũmbanĩa; na nthakame yonthe ya kala kasalũ akatulũĩle ĩtinanĩ ya kĩthembeo kya nthembo ya kũvĩvw’a, kĩla kĩ mũomonĩ wa ĩeema ya kũmbanĩa.