Mark 4:1 — Compare Translations

Kamba (MBIVILIA ŨVOO MŨSEO)

Yesũ nĩwambĩĩie kũmanyĩsya ĩngĩ e ũtee wa Ĩia ya Kalilii. Ĩkomano yĩla yamũthyũlũlũkĩte yaĩ ĩnene mũno na kwoou athi alika ĩsiwanĩ yaĩ vau ĩianĩ na ekala nthĩ vo, namo andũ onthe mekala ũtee wa ĩia.

Kamba (Mbivilia) 1956

Na ambĩlĩlya ĩngĩ kũmanyĩsya e ũtee wa ũkanga. Na ĩkomano ĩnene mũno yamũmbanĩa, na ũndũ wa ũu alika ngalawanĩ, na ekala vu ũkanganĩ; na ĩkomano yonthe yekala nthĩ yĩ ũtee wa ũkanga.