Nehemiah 10:28 — Compare Translations

Kamba (MBIVILIA ŨVOO MŨSEO)

Ithyĩ andũ ma Ĩsilaeli; athembi, Alivai, asikalĩ ma Ĩkalũ, aini ma Ĩkalũ, athũkũmi ma Ĩkalũ na andũ onthe ala nũndũ wa kwĩanĩsya mĩao ya Ngai mevathĩte kuma kwa andũ ma nthĩ ingĩ ala matwĩe nthĩ yaitũ, twĩ vamwe na iveti, na syana sitũ syonthe ila nene itonya kũelewa,

Kamba (Mbivilia) 1956

Na andũ ala angĩ, athembi, na Alivai, na asũvĩi ma mĩomonĩ, na aini, na Anethini, na onthe ala meevathĩte kuma ngonĩ sya andũ sya i nthĩ makwate mĩao ya Ngai, na iveti syoo, na ana moo, na eĩtu moo, kĩla ũmwe ũla waĩ na ũĩ na ũmanyi;