Nehemiah 5:15 — Compare Translations

Kamba (MBIVILIA ŨVOO MŨSEO)

Makavana onthe ala maĩ mbee wakwa maĩ mũio kũla kwĩ andũ, na kĩla mũthenya nĩmametasya lĩu, ndivai na o ta ũu silĩva mĩongo ĩna. O na athũkũmi moo nĩmathĩnasya andũ, ĩndĩ nyie naĩ kĩvathũkany'o nũndũ nĩnakĩaa Ngai.

Kamba (Mbivilia) 1956

Ĩndĩ makavana ala maĩ mbee wakwa nĩmatw’ĩkie mũio kwa andũ, na moosa kwoo lĩu na mbinyu, o vamwe na sekeli mĩongo ĩna sya vetha; ĩĩ, o na athũkũmi moo nĩmeetũlasya ĩũlũ wa andũ: ĩndĩ nyie ndyaaĩka ũu, nũndũ wa kũmũkĩa Ngai.