Nehemiah 8:9 — Compare Translations

Kamba (MBIVILIA ŨVOO MŨSEO)

Yĩla andũ meewie maũndũ ala Ĩvuku ya Mĩao yaandĩkĩtwe, nĩmakiitiwe mũno nginya mambĩĩa kũĩa. Kwoou Neemia, ũla waĩ ngavana, mũthembi Esala ũla waĩ mũmanyĩsya wa mĩao, na Alivai ala maeleasya andũ mĩao nĩmaneenie na andũ onthe mamea atĩĩ, “Ũmũnthĩ nĩ mũthenya mũtheu kwondũ wa Mwĩai Ngai, Ngai wenyu, kwoou mũyaĩlĩte kwĩthĩwa na kyeva kana kũĩa.”

Kamba (Mbivilia) 1956

Na Neemia, ũla waĩ ngavana, na mũthembi Esala mũandĩki, na Alivai ala mamamanyĩisye andũ, mamea andũ onthe, Mũnthĩ ũũ nĩ mũtheu kwa Yeova Ngai wenyu; mũtikamete kana kũĩa. Nũndũ andũ onthe nĩmaĩie, yĩla meewie ndeto sya ĩla mĩao.