Numbers 16:38 — Compare Translations

Kamba (MBIVILIA ŨVOO MŨSEO)

Syĩndũ isu syathew'a yĩla syaetwe mbee wa Mwĩai Ngai. Kwoou osa syĩndũ isu sya kũtoeesya ũvani sya andũ asu mooawa nũndũ wa ĩvĩtyo yoo, ũitumbatumbe ivũthe na ũiseũvya kĩndũ kya kũvw'ĩka kĩthembeo. Ũsu wĩĩthĩwa ũkany'o kwa andũ onthe ma Ĩsilaeli.”

Kamba (Mbivilia) 1956

o itoeesya isu sya andũ asu athe ala mavĩtĩsye mathayũ moo ene, na imandwe mũno ikavũtha syĩthĩwe kĩndũ kya kũvw’ĩka kĩthembeo: nũndũ nĩmainenganĩte vala ve Yeova: kwondũ wa ũu nĩ ntheu; nasyo ikeethĩwa wonan’yo kwa ana ma Isilaeli.