Numbers 19:18 — Compare Translations

Kamba (MBIVILIA ŨVOO MŨSEO)

Mũndũ ũla ũte mũvuku nĩose mũtĩ wĩtawa ĩsovo, aũinde kĩw'ũnĩ kĩu na akĩminzangĩsya ĩeema na syĩndũ syonthe ila syĩ nthĩnĩ wayo o vamwe na andũ ala meĩ nthĩnĩ wa ĩeema yĩu. O ta ũu no nginya aminzangĩsye kĩw'ũ kĩu mũndũ o na wĩva ũla ũkiitĩte ĩvĩndĩ ya mũndũ mũkw'ũ, kana mbũa, kana mũndũ ũla wũaĩtwe kana ũla ũkw'ĩte kĩkw'ũ kĩte kya kũawa.

Kamba (Mbivilia) 1956

na mũndũ ũte mũvuku akose mũtĩ wa ĩsovo, na kũvotya manzĩnĩ asu, na kũmaminzangĩsya ĩũlũ wa ĩeema, na mĩionĩ yonthe, na andũnĩ ala me vo, na mũndũnĩ ũla ũnakiitie yĩla ĩvĩndĩ, kana ũsu woaiwe, kana ũsu mũkw’ũ, kana mbũa: