Numbers 22:5 — Compare Translations

Kamba (MBIVILIA ŨVOO MŨSEO)

nĩwatũmie andũ makete Mbalaamu mwana wa Mbeoli ũla watwĩe ndũanĩ ya Vetholi, ĩla yĩ vakuvĩ na Ũsĩ wa Euvalati nthĩ ĩla wasyaĩwe. Mbalaki nĩwameie makamwĩe atĩĩ, “Nĩngwenda ũmanye kana ve andũ ma mbaĩ nima mokie kuma nthĩ ya Misili. Andũ ma mbaĩ ĩsu nĩmanyaĩĩkĩte kĩla vandũ na nĩmekũtũvena nthĩ yaitũ.

Kamba (Mbivilia) 1956

Na atũma atũmwa kwa Mbalaamu mwana wa Mbeoli, ku Vetholi, ĩla yĩ vakuvĩ na ũla Ũsĩ, nthĩ ya syana sya andũ make, mamwĩte, makĩmwĩa, Sisya, kwĩ andũ ala maumĩte Misili: sisya, mavw’ĩkĩte nthĩ, na mekalaa mambelekele nyie.