Revelation 5:13 — Compare Translations

Kamba (MBIVILIA ŨVOO MŨSEO)

Nĩvo ĩndĩ neewie syũmbe syonthe ila syĩ ĩtunĩ, kũũ nthĩ, vala maveva ma ala akw'ũ mekalaa, mokanganĩ, na syonthe ila syĩ kĩla vandũ sinĩte iyasya: “Kwa ũsu ũilyĩ kĩvĩlanĩ kya kĩ-ũsumbĩ, na kwa kala Kalondu, nĩkwĩthĩwe ũtaĩo, ndaĩa, ũkumyo na ũtonyi tene na tene!”

Kamba (Mbivilia) 1956

Na kĩla kyoombiwe kyonthe kĩla kĩ ĩtunĩ, na kĩla kĩ nthĩ, na kĩla kĩ ungu wa nthĩ, na kĩla kĩ ũkanganĩ ĩũlũ, na syĩndũ syonthe ila syĩ nthĩnĩ wasyo, neewie ikyasya, Ũathimo, na nguma, na ndaĩa, na ũtonyi, nĩ sya ũla wĩkalĩte kĩvĩlanĩ kya ũsumbi, na wa Katena, kũvika tene na tene.