Romans 14:6 — Compare Translations

Kamba (MBIVILIA ŨVOO MŨSEO)

Ala mosaa mũthenya ũmwe kwĩthĩwa wĩ wa mwanya, mekaa ũu kwondũ wa kũmũtaĩa Mwĩai. Ala namo maĩsaa nyama, maĩsaa kwondũ wa kũmũtaĩa Mwĩai nĩkwĩthĩwa nĩmamũtũngĩaa Ngai mũvea nũndũ wa lĩu. Ala mataĩsaa nyama namo maleaa kũya kwondũ wa kũmũtaĩa Mwĩai, na nĩmamũtũngĩaa Ngai mũvea.

Kamba (Mbivilia) 1956

Ũla ũsũvĩaa mũthenya, asũvĩaa kwondũ wa Mwĩaĩi: na ũla ũĩsaa, aĩsaa kwa Mwĩaĩi, nũndũ nũmũtũngĩaa Ngai mũvea; na ũla ũlea kũya, kwa Mwĩaĩi ndaĩsaa, na amũnengae Ngai mũvea.