The New Testament in Koya Language © The Word for the World International and Koya Translation Samithi, Malkangiri, Odisha 2020
ଇଶ୍ୱର୍ ଆ ବାବବାଦୀଡ଼୍ ପାକେ କେତ୍ତନ୍ ଯେ, ଅଡ଼୍ ନିଜେତ୍ ସେବା ମାଡ଼୍ୱେ ମାତ୍ତଡ଼୍ । ଅଡ଼୍ ବାତେ କେସମାତ୍ତଡ଼୍, ଆଦ୍ ମୀଇ ସେଙ୍ଗେ ଟିକ୍ ମାତ୍ତେ । ସ୍ୱର୍ଗତାଗାଙ୍କ୍ ୱାଦାନ୍ ପବିତ୍ରଆତ୍ମାନ୍ ଶକ୍ତିତେ ଇଞ୍ଜେ ବେନ୍ ଗଟି କେତ୍ତାନ୍ଡ଼୍ ସୁସମାଚାର୍ ପ୍ରଚାର୍ ମାଡ଼ୁତଡ଼୍, ମିଇଡ଼୍ ଇଞ୍ଜେ ଅଡ଼୍ଆଗାଙ୍କ୍ ଆୱୁସାରେ ଗଟି କେଞ୍ଜୁତିଡ଼୍ ଇଦ୍ ସାରେ ବିଷୟତେ ଅର୍ତ ବୁଜେମ୍ ଆଦାନ୍ ସେଙ୍ଗେ ସ୍ୱର୍ଗଦୂତକି ମିକା ତିଆର୍ ।