The New Testament in Koya Language © The Word for the World International and Koya Translation Samithi, Malkangiri, Odisha 2020
ଜିସୁ ତାନ୍ ଶିଷ୍ୟଡ଼୍କ୍ ଆନ୍ତେ କେତ୍ତଣ୍ଡ୍, ୱେରଣ୍ଡ୍, ସାଉକାର୍ ନାରୁଡ଼୍ ମାତ୍ତଣ୍ଡ୍; ସାଉକାର୍ ତାନ୍ ସମ୍ପତ୍ତିତିଙ୍କ୍ ବୁଜାସୁଜା ମାଡ଼ାନ୍ ମାଇଦିଙ୍କ୍ ଗୁମାସ୍ତାଙ୍କ୍ ନେହେସ୍ ମାତ୍ତଣ୍ଡ୍ । ସାଉକାର୍ ଅର୍ତୁନ୍ ନାଗାଙ୍କ୍ କେଞ୍ଜ୍ତଣ୍ଡ୍ ଯେ, ଗୁମାସ୍ତାଲ୍ ଅଂକିଙ୍କ୍ ବୁସାମାଡ଼ ମାତ୍ତଣ୍ଡ୍ ।