The New Testament in Koya Language © The Word for the World International and Koya Translation Samithi, Malkangiri, Odisha 2020
ଆସୁଟେ ଅଣ୍ଡ୍ ଅଡ଼୍କିଂଙ୍କ୍ କେତ୍ତଣ୍ଡ୍, ବେନ୍ନାରୁଡ଼୍ ମୁନେଙ୍କ୍ ନିଜ୍ତିଙ୍କ୍ ଦାର୍ମିକ୍ ଇଞ୍ଜ ତଅତିତଡ଼୍, ମିଡ଼୍ ଆଦେପୁଟୁଙ୍କତ୍ ନାରୁଡ଼ି । ବାତେଙ୍କ୍ ଇତ୍କେ ପରମେଶ୍ୱର୍ ମି ହୃଦୟ୍ତିଙ୍କ୍ ପୁତ୍ତଣ୍ଡ୍ । ବେନେସାରେ ବିଷୟତିଙ୍କ୍ ନାରୁଡ଼୍ ଗାଟି ମୂଲ୍ୟବାନ୍ ଇଞ୍ଜ ତନ୍ଦିତଡ଼୍, ଆଦ୍ ପରମେଶ୍ୱର୍ତେ ମୁନ୍ କାରାପ୍ ।