1 Chronicles 11:23 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Agĩcooka akĩũraga Mũmisiri, mũndũ warĩ na kĩũga kĩnene mũno, warĩ na ũraihu wa makĩria ma mita igĩrĩ na warĩ na itimũ inene. Banaia aamũtharĩkĩire na njũgũma, akĩhuria itimũ rĩrĩa aanyiitĩĩte na guoko akĩmũũraga narĩo.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Na nĩooragire Mũmisiri warĩ wa ũraihu wa buti mũgwanja na nuthu. O na gũtuĩka Mũmisiri ũcio nĩanyiitĩte itimũ rĩaiganaga ta mũtĩ wa mũtumi ngoora, Benaia akĩmũtharĩkĩra na njũgũma. Akĩhuria itimũ kuuma guoko-inĩ kwa Mũmisiri ũcio, na akĩmũũraga na itimũ rĩu rĩake.
Kikuyu Bible (IBUKU RĨRĨA ITHERU RĨA NGAI)
na ningĩ akĩũraga Mũmisiri warĩ karau akĩonwo, na aarĩ wa mĩkono ĩtano kũraiha na igũrũ, nakuo guoko kwa Mũmisiri ũcio kwanyitĩte itimũ rĩigana o ta mũtĩ wa mũtambo ũrĩa ũtumaga tama; nake Benaia aaikũrũkire agĩthiĩ harĩ we na rũthanju, nake akĩhuria itimũ rĩu rĩarĩ guoko kwa Mũmisiri ũcio, akĩmũũraga na itimũ rĩu rĩake we mwene.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Agĩcooka akĩũraga Mũmisiri, mũndũ warĩ na kĩũga kĩnene mũno, warĩ na ũraihu wa makĩria ma mita igĩrĩ na warĩ na itimũ inene. Banaia aamũtharĩkĩire na njũgũma, akĩhuria itimũ rĩrĩa aanyiitĩĩte na guoko akĩmũũraga narĩo.