1 Chronicles 12:15 — Compare Translations

Kikuyu (Kĩrĩkanĩro Gĩa Gĩkũyũ)

Na rĩĩrĩ, mweriinĩ wa mbere wa mwaka, o rĩrĩa rũũĩ rwa Jorodani rwaiyũrĩĩte rũkoina, igĩthiĩ ikĩrũringa, ikĩhurunja andũ oothe arĩa maatũũraga ituambainĩ cia mwena wa irathĩro na wa ithũĩro wa rũũĩ rũu.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nĩo maaringire Rũũĩ rwa Jorodani mweri wa mbere rĩrĩa rwaiyũrĩte nginya rũkoina hũgũrũrũ ciaruo ciothe, na makĩingatithia andũ arĩa othe maaikaraga cianda-inĩ cia mwena wa irathĩro na mwena wa ithũĩro.

Kikuyu Bible (IBUKU RĨRĨA ITHERU RĨA NGAI)

Acio nĩo maathiire makĩringa Jorodani, mweri wa mbere, hĩndĩ ĩrĩa rũaiyũrĩte rũgathika hũgũrũrũ ciaruo ciothe, nao magĩtũma arĩa othe maarĩ kũu ituamba-inĩ more, o arĩa maarĩ a mwena wa irathĩro o na mwena wa ithũĩro.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

(23-37) Na rĩĩrĩ, rĩrĩa Daudi aarĩ Heburoni thigari nyingĩ njoorua nĩciathiire mwena wake nĩguo ikamũteithĩrĩrie gũtuĩka mũthamaki ithenya rĩa Saũlũ, o ta ũrĩa MWATHANI eeranĩire. Mũigana wa thigari icio wahaanaga ta ũũ:mũhĩrĩga wa Juda: arũme ngiri ithathatũ na magana manaana (6,800), ciarĩ na indo cia mbaara o ũũ wegamũhĩrĩga wa Simeoni: arũme ngiri mũgwanja na igana rĩmwe (7,100), njamba cia kũrũa mbaaramũhĩrĩga wa Lawi: arũme ngiri inya na magana matandatũ (4,600)arũmĩrĩri a Jehoiada wa rũciaro rwa Harũni: arũme ngiri ithatũ na magana mũgwanja (3,700)andũ a nyũmba ya Zadoku, mwanake warĩ njoorua na kũrũa mbaara: atongoria mĩrongo ĩĩrĩ na eerĩ;mũhĩrĩga wa Benjamini (na nĩguo warĩ wa Saũlũ): arũme ngiri ithatũ (3,000), (andũ aingĩ a mũhĩrĩga ũyũ maathĩkagĩra Saũlũ).Mũhĩrĩga wa Efiraimu: arũme ngiri mĩrongo ĩĩrĩ na magana manaana (2,800), andũ maarĩ igweta mbarĩinĩ ciaonuthu ya mũhĩrĩga wa Manase ya mwena wa ithũĩro: arũme ngiri ikũmi na inyaanya (18,000) arĩa maathuurĩĩtwo magatue Daudi mũthamakimũhĩrĩga wa Isakaru: atongoria magana meerĩ (200) o hamwe na andũ arĩa maatongoragia (atongoria mooĩ gũkũũrana mahinda, na makamenya ũrĩa Aisiraeli maagĩrĩirwo nĩgwĩka)mũhĩrĩga wa Zebuluni: arũme ngiri mĩrongo ĩtaano (50,000), ehokeku, meeheyanĩĩte kũrũa mbaara, na maarĩ na ũũgĩ wa kũhũthĩra indo ciothe cia mbaaramũhĩrĩga wa Nafutali: atongoria ngiri ĩmwe (1,000) hamwe na arũme ngiri mĩrongo ĩtatũ na mũgwanja (37,000) andũ maarĩ na matimũ na ngomũhĩrĩga wa Dani: arũme ngiri mĩrongo ĩĩrĩ na inyaanya na magana matandatũ (28,600) andũ maarĩ na ũũgĩ wa kũrũa mbaara;mũhĩrĩga wa Asheri: arũme ngiri mĩrongo ĩna (40,000) maikaraga mehaarĩirie kũrũamũrĩmo wa irathĩro wa rũũĩ rwa Jorodani: arũme ngiri igana rĩa mĩrongo ĩĩrĩ (120,000) a mũhĩrĩga wa Reubeni, Gadi na nuthu ya mũhĩrĩga wa Manase maarĩ na ũũgĩ wa kũhũthĩra indo ciothe cia mbaara.