1 Chronicles 13:2 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Naake akĩĩra Aisiraeli oothe arĩa moonganĩĩte kũu atĩrĩ, “Mũngĩkorwo nĩmũkuona kwagĩrĩire, naguo ũndũ ũcio ũkorwo nĩ wendi wa MWATHANI Ngai witũ-rĩ, nĩtũrekiei arekio mathiĩ kũrĩ andũ arĩa angĩ aitũ, o na kũrĩ athĩnjĩri Ngai na Alawii arĩa marĩ matũũrainĩ maao, mameere mooke meturanĩre na ithuĩ.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Ningĩ agĩcooka akĩĩra kĩũngano gĩothe gĩa Isiraeli atĩrĩ, “Mũngĩona kwagĩrĩire na angĩkorwo nĩ kwenda kwa Jehova Ngai witũ, nĩ tũtũme ũhoro kũndũ na kũndũ kũrĩ ariũ a ithe witũ arĩa angĩ marĩ kũndũ guothe ngʼongo-inĩ cia Isiraeli, o na kũrĩ athĩnjĩri-Ngai na Alawii arĩa me hamwe nao matũũra-inĩ mao na ũrĩithio-inĩ wao, moke manyiitanĩre na ithuĩ.
Kikuyu Bible (IBUKU RĨRĨA ITHERU RĨA NGAI)
Nake Daudi agĩkĩĩra kĩrĩndĩ kĩu gĩothe gĩa Isiraeli atĩrĩ, Mũngĩkorũo nĩmũkuona arĩ wega, o naguo ũndũ ũcio ũkorũo uumĩte harĩ Jehova Ngai witũ-rĩ, nĩtũrekiei andũ harĩ ariũ a ithe witũ arĩa matigarĩte kũndũ guothe bũrũri wa Isiraeli, hamwe na athĩnjĩri-Ngai, o na Alawii, arĩa maikarĩte matũũra-inĩ mao o marĩa marĩ na ithaka imarigicĩirie cia ũrĩithio, nĩ getha moke mongane hamwe na ithuĩ;
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Naake akĩĩra Aisiraeli oothe arĩa moonganĩĩte kũu atĩrĩ, “Mũngĩkorwo nĩmũkuona kwagĩrĩire, naguo ũndũ ũcio ũkorwo nĩ wendi wa MWATHANI Ngai witũ-rĩ, nĩtũrekiei arekio mathiĩ kũrĩ andũ arĩa angĩ aitũ, o na kũrĩ athĩnjĩri Ngai na Alawii arĩa marĩ matũũrainĩ maao, mameere mooke meturanĩre na ithuĩ.