1 Chronicles 21:12 — Compare Translations

Kikuyu (Kĩrĩkanĩro Gĩa Gĩkũyũ)

Ng'aragu mĩaka ĩtatũ, mĩeri ĩtatũ ya gũteng'erio nĩ thigari cia thũ ciaku, kana mĩthenya ĩtatũ ya gũtharĩkĩrwo nĩ MWATHANI na rũhiũ rwa njora, gũtũmĩrwo mũthiro bũrũri waku wothe, na gũtũmĩrwo mũraika athiĩ akĩũraganaga bũrũriinĩ wothe wa Isiraeli? Rĩu-rĩ, ngũthiĩ kwĩra MWATHANI atĩa?”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ũthuure mĩaka ĩtatũ ya ngʼaragu, kana mĩeri ĩtatũ ya kũniinwo nĩ thũ ciaku igũthingatĩte na hiũ ciao cia njora, kana mĩthenya ĩtatũ ya rũhiũ rwa njora rwa Jehova, naguo nĩ atĩ kũgĩe na mĩthenya ya mũthiro bũrũri-inĩ, rĩrĩa mũraika wa Jehova akaaniinana Isiraeli guothe.’ Na rĩrĩ, tua itua ũnjĩĩre ũrĩa ngũthiĩ gũcookeria ũrĩa ũndũmĩte.”

Kikuyu Bible (IBUKU RĨRĨA ITHERU RĨA NGAI)

ũkorũo nĩ mĩaka ĩtatũ ya ng’aragu, o na kana mĩeri ĩtatũ ũninwo nĩ thũ ciaku, rĩrĩa ũgũthingatwo na hiũ cia njora cia thũ ciaku, o na kana hihi mĩthenya ĩtatũ kũgĩe rũhiũ rũa Jehova, naruo nĩ rũa atĩ kũgĩe mũthiro bũrũri ũyũ, nake mũraika wa Jehova aninane kũndũ guothe mĩhaka-inĩ ya Isiraeli. Na tondũ ũcio wĩcirie ũmenye icokia rĩrĩa ngũcokeria ũrĩa ũndekirie.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Ng'aragu mĩaka ĩtatũ, mĩeri ĩtatũ ya gũteng'erio nĩ thigari cia thũ ciaku, kana mĩthenya ĩtatũ ya gũtharĩkĩrwo nĩ MWATHANI na rũhiũ rwa njora, gũtũmĩrwo mũthiro bũrũri waku wothe, na gũtũmĩrwo mũraika athiĩ akĩũraganaga bũrũriinĩ wothe wa Isiraeli? Rĩu-rĩ, ngũthiĩ kwĩra MWATHANI atĩa?”