1 Chronicles 21:16 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Naake Daudi akĩroria maitho maake na igũrũ, akĩona mũraika arũũgamĩĩte rĩerainĩ, anyiitĩĩte rũhiũ na guoko ehaarĩirie kwananga Jerusalemu. Naake Daudi e hamwe na atongoria a andũ, meehumbĩĩte nguo cia makũnia, makĩĩgũithia maroreetie moothiũ maao na thĩ.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Nake Daudi akĩrora igũrũ akĩona mũraika wa Jehova arũngiĩ gatagatĩ ka igũrũ na thĩ acomorete rũhiũ rwa njora, arũnyiitĩte na guoko gwake gũtambũrũkĩirio Jerusalemu. Nake Daudi na athuuri, mehumbĩte nguo cia makũnia, makĩgũa magĩturumithia mothiũ mao thĩ.
Kikuyu Bible (IBUKU RĨRĨA ITHERU RĨA NGAI)
Nake Daudi agĩtiira maitho, akĩona mũraika ũcio wa Jehova arũgamĩte rĩera-inĩ gatagatĩ ga thĩ na igũrũ, anyitĩte rũhiũ rũcomore na guoko gwake rũambararĩirio Jerusalemu. Nake Daudi, o na athuri, makĩĩgũithia maroretie mothiũ mao thĩ, nao mehumbĩte matama ma ikũnia.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Naake Daudi akĩroria maitho maake na igũrũ, akĩona mũraika arũũgamĩĩte rĩerainĩ, anyiitĩĩte rũhiũ na guoko ehaarĩirie kwananga Jerusalemu. Naake Daudi e hamwe na atongoria a andũ, meehumbĩĩte nguo cia makũnia, makĩĩgũithia maroreetie moothiũ maao na thĩ.