1 Chronicles 4:41 — Compare Translations

Kikuyu (Kĩrĩkanĩro Gĩa Gĩkũyũ)

Matukũinĩ ma Hezekia mũthamaki wa Juda, andũ acio magweteetwo hau igũrũ, maathiire Gerari, magĩthũũkangia hema na nyũmba cia andũ arĩa maatũũraga kuo. Magĩkĩingata andũ acio, magĩgĩtũũra kuo tondũ kwarĩ kwega gwa kũrĩithagia.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Andũ arĩa marĩĩtwa mao maandĩkĩtwo mookĩte kuo matukũ-inĩ ma Hezekia mũthamaki wa Juda. Nao magĩtharĩkĩra andũ a Hamu ciikaro-inĩ cia andũ acio o na cia Ameunimu arĩa maatũũraga kuo, na makĩmaniina biũ o ta ũrĩa gũtariĩ nginya ũmũthĩ. Nao magĩtũũra ciikaro-inĩ cia andũ acio tondũ kwarĩ na ũrĩithio mwega wa mahiũ mao.

Kikuyu Bible (IBUKU RĨRĨA ITHERU RĨA NGAI)

Nao andũ acio maandĩkĩtwo marĩĩtwa mao hau igũrũ maathiire kuo ihinda rĩa Hezekia, mũthamaki wa Juda, makĩananga mahema ma andũ acio, o na makĩhũra Ameunimu arĩa maakorirũo kuo, makĩmanina o kũmanina biũ, o na nginya mũthenya wa ũmũthĩ; nao magĩgĩtũũra kuo ithenya rĩao; nĩ ũndũ kũu nĩkwarĩ ũrĩithio mwega wa ndũru ciao cia ũhiũ.