1 Kings 15:22 — Compare Translations

Kikuyu (Kĩrĩkanĩro Gĩa Gĩkũyũ)

Hĩndĩ ĩyo mũthamaki Asa akĩrekia ndũmĩrĩri bũrũriinĩ wothe wa Juda kũrĩ mũndũ o wothe, gũtarĩ mũndũ o na ũmwe ũgũtigĩrĩrwo. Akiuga atĩ, mahiga moothe na mbaaũ ciothe iria Baasha airigagĩra Rama nacio, ikuuo kuuma kuo. Indo icio ciothe Asa agĩcigĩĩra, akĩirigĩra Mizipa na Geba na thingo cia hinya. Geba rĩarĩ itũũra rĩarĩ bũrũriinĩ wa Benjamini.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ningĩ Mũthamaki Asa akĩruta watho kũu Juda guothe, gũtirĩ mũndũ watigĩrĩirwo, nao magĩkuua mahiga na mbaũ iria Baasha aahũthagĩra Rama. Indo icio nĩcio Mũthamaki Asa aakire nacio Geba kũu Benjamini, o na agĩaka kũu Mizipa.

Kikuyu Bible (IBUKU RĨRĨA ITHERU RĨA NGAI)

Hĩndĩ ĩo Asa, mũthamaki, agĩkĩhunjanĩria ũhoro agĩĩta andũ othe a Juda, na gũtiigana kũgĩa mũndũ o na ũmwe ũtetĩtwo athiĩ kĩaro kĩu; nao makĩeheria mahiga ma kũu Rama, o na mbaũ cia mwako iria Baasha aakaga kuo nacio; nake Asa, mũthamaki, agĩgĩakithia Geba, itũũra rĩa Benjamini, na indo icio, o na Mizipa.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Hĩndĩ ĩyo mũthamaki Asa akĩrekia ndũmĩrĩri bũrũriinĩ wothe wa Juda kũrĩ mũndũ o wothe, gũtarĩ mũndũ o na ũmwe ũgũtigĩrĩrwo. Akiuga atĩ, mahiga moothe na mbaaũ ciothe iria Baasha airigagĩra Rama nacio, ikuuo kuuma kuo. Indo icio ciothe Asa agĩcigĩĩra, akĩirigĩra Mizipa na Geba na thingo cia hinya. Geba rĩarĩ itũũra rĩarĩ bũrũriinĩ wa Benjamini.