1 Kings 7:30 — Compare Translations

Kikuyu (Kĩrĩkanĩro Gĩa Gĩkũyũ)

Ngaari icio o ĩmwe yarĩ na mĩgũrũ ĩna ya gĩcango na ĩkagathĩkanio mĩcuumainĩ ya gĩcango. Ningĩ koonainĩ inya cia ngaari o ngaari kwarĩ na cuuma cia gĩcango cia kũnyiitĩrĩra kĩraĩ, nacio ciagemeetio na mĩrĩnga mĩceke yohanĩĩtio na ĩgacunjuura.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

O gĩkaari kĩarĩ na magũrũ mana ma gĩcango, maarĩ na igera cia gĩcango cia kũgathĩkania kũgũrũ na kũgũrũ kũrĩa kũngĩ, na o kĩmwe kĩarĩ na kĩraĩ kĩanyiitĩrĩirwo nĩ itugĩ inya iria ciatwekanĩirio na mahũa mature mwena o mwena.

Kikuyu Bible (IBUKU RĨRĨA ITHERU RĨA NGAI)

Nakĩo kĩnyamũ kĩmwe gĩa icio ciahaanaga ta ngari kĩarĩ na magũrũ mana ma gĩcango ta ma ngari, o nayo mĩtĩ yamo ya kũmarathĩkania yarĩ ya gĩcango; ningĩ mĩthia-inĩ ĩna ya mĩtĩ ĩo kwarĩ mĩtĩ ya gĩcango ya kũmĩnyitĩrĩra; ningĩ mũhuro wa kĩnyũngũ haathondeketwo moko ma kũmĩnyitĩrĩra, namo maanyitithanĩtio nayo o itwekerio-inĩ rĩayo; namo maarĩ na mĩhĩndo mĩceke mĩena-inĩ yamo o kĩmwe kĩmwe.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Ningĩ nĩhaarĩ na buremu ya cuuma ya gĩthiũrũrĩ nĩ ũndũ wa kũnyiitĩrĩra kĩraĩ. Naguo ũraihu wayo na igũrũ warĩ cenitimita mĩrongo ĩna na ithaano kuuma igũrũ wa ngaari na ũriku wa cenitimita ikũmi na inyaanya. Ningĩ nĩyatemereirwo mĩhiano ya kũmĩgemia ya thikwea.