1 Kings 7:8 — Compare Translations

Kikuyu (Kĩrĩkanĩro Gĩa Gĩkũyũ)

Nayo nyũmba yake ya gũikara akĩmĩaka handũ mwanya o hau thuutha wa nyũmba ya Maciira, nayo yakĩĩtwo na mwakĩre ta wa icio ingĩ. Agĩcooka agĩakĩra mũtumia wake nyũmba ĩhaana ta ĩyo ya Maciira. Mũtumia ũcio nĩ ũrĩa warĩ mwarĩ wa mũthamaki wa Misiri.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nayo nyũmba yake ya gũikara ya ũthamaki, yaakĩtwo mwena wa na thuutha, na yaakĩtwo o ta ĩyo ĩngĩ. Ningĩ Solomoni nĩaakire nyũmba ĩngĩ ta ĩyo ya ũthamaki, akĩmĩakĩra mwarĩ wa Firaũni ũrĩa aahikĩtie.

Kikuyu Bible (IBUKU RĨRĨA ITHERU RĨA NGAI)

Nayo nyũmba yake ĩrĩa angĩgatũũra akĩmĩaka mwena wa na thĩinĩ wa nja ĩo ĩngĩ yarĩ gĩthaku, mbere ya gĩthaku kĩu, na ĩkĩrutĩrũo wĩra wa mũthemba o ro ũmwe nakĩo. O na ningĩ agĩakĩra mwarĩ wa Firauni nyũmba, (o ũcio Suleimani aahikĩtie,) nayo nyũmba ĩo ĩgĩgĩakwo ĩtariĩ o ta gĩthaku kĩu.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Mĩako ĩyo yothe o ũndũ ũmwe na gĩthaku kĩrĩa kĩnene ciakĩĩtwo na mahiga ma goro kuuma mũthingiinĩ kinya igũrũ. Mahiga macio maacũhĩirio o kware mathimĩĩtwo wega na magathambio na mũthumeno mĩena yerĩ.