1 Kings 8:64 — Compare Translations

Kikuyu (Kĩrĩkanĩro Gĩa Gĩkũyũ)

Ningĩ mũthenya o ũcio, akĩamũra nja ĩrĩa nene hau gatagatĩ ĩrĩa yarĩ na mwena wa mbere wa Hekaarũ, agĩcooka akĩrutĩra ho magongoona ma njino, ma irio cia mũgũnda, o na maguta ma magongoona ma thaayũ. Eekire ũguo nĩ ũndũ kĩgongoona kĩa gĩcango kĩrĩa kĩarĩĩkanĩĩtie na gwakwo gĩtingĩahotire kũiganĩra magongoona macio.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mũthenya o ro ũcio mũthamaki nĩamũrire gĩcigo gĩa gatagatĩ kĩa nja ĩrĩa ĩrĩ mbere ya hekarũ ya Jehova, na akĩrutĩra igongona rĩa njino ho, na rĩa mũtu na rĩa maguta ma igongona rĩa ũiguano, tondũ kĩgongona gĩa gĩcango kĩrĩa kĩarĩ mbere ya Jehova gĩtingĩaiganĩire magongona ma njino, na magongona ma mũtu na maguta ma magongona ma ũiguano.

Kikuyu Bible (IBUKU RĨRĨA ITHERU RĨA NGAI)

Naguo mũthenya o ro ũcio, mũthamaki akĩamũra o kũu gatagatĩ ka nja ĩrĩa yarĩ mwena wa na mbere wa nyũmba ĩo ya Jehova; nĩ ũndũ hau nĩho aarutĩire mahaki ma njino, o na igongona rĩa mũtu, o na maguta ma magongona ma ũiguano; nĩ gũkorũo kĩgongona kĩrĩa gĩathondeketwo na gĩcango kĩrĩa kĩarĩ mbere ya Jehova nĩkĩaagire kũiganĩra ihaki rĩa njino, o na igongona rĩa mũtu, o na maguta ma magongona ma ũiguano, nĩ ũndũ wa kũnyiha.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake Solomoni na andũ oothe a Isiraeli magĩkũngũĩra thigũkũ ya Ithũnũ marĩ o hau mbere ya MWATHANI mĩthenya mũgwanja. Nao andũ acio maarĩ aingĩ mũno na moimĩĩte kuuma mwanyainĩ wa Hamathu na mwena wa rũgongo nginya karũũĩinĩ ka Misiri na mwena wa kĩanda.