1 Samuel 11:9 — Compare Translations

Kikuyu (Kĩrĩkanĩro Gĩa Gĩkũyũ)

Magĩkĩĩra andũ arĩa marekeetio kuuma Jabeshi atĩrĩ, “Ĩraai andũ aanyu rũũciũ mbere ya mĩaraho nĩmakaahonokio.” Rĩrĩa andũ a Jabeshi maanyiitire ndũmĩrĩri ĩyo magĩkena mũno.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nao makĩĩra andũ acio maatũmĩtwo atĩrĩ, “Ĩrai andũ acio a Jabeshi-Gileadi atĩrĩ, ‘rũciũ ihinda rĩrĩa riũa rĩgaakorwo rĩhiũhĩte, nĩguo mũkaahonokio.’ ” Rĩrĩa andũ acio maatũmĩtwo mathiire makĩheana ũhoro ũcio kũrĩ andũ a Jabeshi-rĩ, andũ acio makĩiyũrwo nĩ gĩkeno kĩnene.

Kikuyu Bible (IBUKU RĨRĨA ITHERU RĨA NGAI)

Nao magĩkĩĩra andũ acio maareketio kũrĩ o atĩrĩ, Ĩrai andũ a Jabeshi-gileadi ũũ: Rũciũ rĩrĩa riũa rĩgakorũo rĩhiũhĩte-rĩ, nĩguo mũkahonokio. Nao arekio acio magĩgĩthiĩ, makĩhe andũ a Jabeshi ũhoro ũcio, nao magĩgĩkena.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Magĩkĩĩra andũ arĩa marekeetio kuuma Jabeshi atĩrĩ, “Ĩraai andũ aanyu rũũciũ mbere ya mĩaraho nĩmakaahonokio.” Rĩrĩa andũ a Jabeshi maanyiitire ndũmĩrĩri ĩyo magĩkena mũno.