1 Samuel 14:45 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Nao andũ makĩũria Saũlũ atĩrĩ, “ No kũhoteke Jonathani ooragwo o rĩrĩa aheete Isiraeli ũhootani mũnene ũũ? Aaca! Twehĩta na MWATHANI ũrĩa ũtũũraga muoyo atĩ gũtirĩ rũcuĩrĩ o na rũmwe rwa mũtwe wake rũkũũra. Ũrĩa eekire ũũmũũthĩ eekire ahotithĩĩtio nĩ Ngai.” Kwoguo andũ magĩkĩhonokia Jonathani ndakooragwo.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
No andũ acio makĩũria Saũlũ atĩrĩ, “Jonathani nĩagĩrĩirwo nĩ gũkua, arĩ we ũreheire Isiraeli ũhootani mũnene ũũ? Aca, kũroaga gũtuĩka ũguo! Ti-itherũ, o ta ũrĩa Jehova atũũraga muoyo, gũtirĩ rũcuĩrĩ o na rũmwe rwa mũtwe wake rũkũgũa thĩ, nĩgũkorwo eekire ũguo ũmũthĩ na ũteithio wa Ngai.” Nĩ ũndũ ũcio andũ acio makĩhonokia Jonathani, na ndaigana kũũragwo.
Kikuyu Bible (IBUKU RĨRĨA ITHERU RĨA NGAI)
Nao andũ magĩkĩĩra Saulu atĩrĩ, Hĩ! Atĩ atĩa? Jonathani akue ekĩte ũndũ mũnene ũũ wa kũhonokia Isiraeli! Kũroaga gũtuĩka ũguo! O ta ũrĩa Jehova atũũraga muoyo-rĩ, hatirĩ rũcuĩrĩ o na rũmwe rũa mũtwe wake rũngĩgũa thĩ; nĩ gũkorũo ũndũ ũrĩa ekĩte ũmũthĩ awĩkĩte me na Ngai. Ũguo nĩguo andũ acio maakĩhonokirie Jonathani ndagakue.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Nao andũ makĩũria Saũlũ atĩrĩ, “ No kũhoteke Jonathani ooragwo o rĩrĩa aheete Isiraeli ũhootani mũnene ũũ? Aaca! Twehĩta na MWATHANI ũrĩa ũtũũraga muoyo atĩ gũtirĩ rũcuĩrĩ o na rũmwe rwa mũtwe wake rũkũũra. Ũrĩa eekire ũũmũũthĩ eekire ahotithĩĩtio nĩ Ngai.” Kwoguo andũ magĩkĩhonokia Jonathani ndakooragwo.