1 Samuel 18:10 — Compare Translations

Kikuyu (Kĩrĩkanĩro Gĩa Gĩkũyũ)

Na rĩĩrĩ, mũthenya ũrĩa warũmĩrĩire, Saũlũ akĩiyũrwo nĩ roho mũũru uumĩĩte kwĩ Ngai, naake agĩikara akĩanganga gwake mũciĩ ta mũgũrũki. Hĩndĩ ĩyo Daudi aahũũraga kĩnanda o ta ũrĩa aamenyereete gwĩka o mũthenya, naake Saũlũ aanyiitĩĩte itimũ na guoko.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mũthenya ũyũ ũngĩ roho mũũru uumĩte kũrĩ Ngai ũgĩũka na hinya mũno igũrũ rĩa Saũlũ. Nake akĩambĩrĩria kwaria ta mũgũrũki arĩ nyũmba yake thĩinĩ, Daudi aahũũraga kĩnanda kĩa mũgeeto, o ta ũrĩa aamenyerete gwĩka. Saũlũ aarĩ na itimũ guoko,

Kikuyu Bible (IBUKU RĨRĨA ITHERU RĨA NGAI)

Na gũgĩkinya atĩrĩ, atĩ rũciũ rũrũ rũngĩ Saulu akĩroka gũkorũo na hinya mũno nĩ roho mũũru uumĩte kwĩ Ngai, akĩgwatwo nĩ ũgũrũki arĩ o kũu gwake mũciĩ; nake Daudi akĩhũra kĩnanda na moko, o ta ũrĩa ekaga mũthenya o mũthenya; nake Saulu agĩkorũo anyitĩte itimũ na guoko.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Na rĩĩrĩ, mũthenya ũrĩa warũmĩrĩire, Saũlũ akĩiyũrwo nĩ roho mũũru uumĩĩte kwĩ Ngai, naake agĩikara akĩanganga gwake mũciĩ ta mũgũrũki. Hĩndĩ ĩyo Daudi aahũũraga kĩnanda o ta ũrĩa aamenyereete gwĩka o mũthenya, naake Saũlũ aanyiitĩĩte itimũ na guoko.