1 Samuel 3:1 — Compare Translations

Kikuyu (Kĩrĩkanĩro Gĩa Gĩkũyũ)

Matukũinĩ macio, rĩrĩa kamwana kau ti Samũeli gaatungatagĩra MWATHANI gakĩonagĩrĩrio nĩ Eli, gũtiakoragwo kũrĩ na ndũmĩrĩri na cioneki nyingĩ kuuma kũrĩ MWATHANI.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nake mwana ũcio ti Samũeli aatungataga mbere ya Jehova arĩ harĩ Eli. Matukũ-inĩ macio kiugo kĩa Jehova gĩtiaiguagwo kaingĩ, na gũtionekaga cioneki kaingĩ.

Kikuyu Bible (IBUKU RĨRĨA ITHERU RĨA NGAI)

Nake mwana ũcio, ti Samueli, agĩgĩtungatĩra Jehova arĩ he Eli. Nayo ndũmĩrĩri ya Jehova yonagwo ta ĩrĩ ũndũ mũnene mũno matukũ macio, nĩ ũndũ gũtiagĩaga cioneki kaingĩ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Matukũinĩ macio, rĩrĩa kamwana kau ti Samũeli gaatungatagĩra MWATHANI gakĩonagĩrĩrio nĩ Eli, gũtiakoragwo kũrĩ na ndũmĩrĩri na cioneki nyingĩ kuuma kũrĩ MWATHANI.