1 Samuel 9:9 — Compare Translations

Kikuyu (Kĩrĩkanĩro Gĩa Gĩkũyũ)

Saũlũ agĩcookia atĩrĩ, “Rĩciiria rĩu nĩ rĩega! Nĩtũgĩthiĩ.” Kwoguo magĩgĩthiĩ itũũrainĩ rĩrĩa mũndũ ũcio mũthingu aatũũraga. Rĩrĩa maambataga itũũrainĩ rĩu, magĩcemania na airĩĩtu maathiaga gũtaha maaĩ, makĩmooria atĩrĩ, “Muoni maũndũ arĩ itũũrainĩ?” (Mahindainĩ macio mũnabii eetagwo muoni maũndũ, na kwoguo rĩrĩa rĩothe mũndũ aangĩendire kũũria Ngai kĩũria, oigaga atĩrĩ, “Reke tũthiĩ kũrĩ muoni maũndũ.”)

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

(Tene thĩinĩ wa Isiraeli, mũndũ angĩathiire kũhooya kĩrĩra kuuma kũrĩ Ngai, oigaga atĩrĩ, “Ũka, tũthiĩ kũrĩ muoni-maũndũ,” nĩ ũndũ ũrĩa wĩtagwo mũnabii matukũ maya hĩndĩ ĩyo eetagwo muoni-maũndũ.)

Kikuyu Bible (IBUKU RĨRĨA ITHERU RĨA NGAI)

(Na rĩrĩ, mahinda ma tene, kũu Isiraeli, rĩrĩa mũndũ aathiaga gũtuĩria ũhoro kwĩ Ngai-rĩ, ũũ nĩguo oigaga, Ũka tũthiĩ kwĩ mũndũ ũrĩa muoni maũndũ; nĩ gũkorũo mũndũ ũrĩa wĩtagwo Mũnabii matukũ maya-rĩ, tene etagwo Muoni maũndũ.)

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

(9-11) Saũlũ agĩcookia atĩrĩ, “Rĩciiria rĩu nĩ rĩega! Nĩtũgĩthiĩ.” Kwoguo magĩgĩthiĩ itũũrainĩ rĩrĩa mũndũ ũcio mũthingu aatũũraga. Rĩrĩa maambataga itũũrainĩ rĩu, magĩcemania na airĩĩtu maathiaga gũtaha maaĩ, makĩmooria atĩrĩ, “Muoni maũndũ arĩ itũũrainĩ?” (Mahindainĩ macio mũnabii eetagwo muoni maũndũ, na kwoguo rĩrĩa rĩothe mũndũ aangĩendire kũũria Ngai kĩũria, oigaga atĩrĩ, “Reke tũthiĩ kũrĩ muoni maũndũ.”)