2 Chronicles 12:13 — Compare Translations

Kikuyu (Kĩrĩkanĩro Gĩa Gĩkũyũ)

Naake Rehoboamu agĩgĩthamaka Jerusalemu, agĩkindĩra ũthamaki wake. Naake aambĩrĩirie gũthamaka arĩ wa mĩaka mĩrongo ĩna na ũmwe na agĩthamaka mĩaka ikũmi na mũgwanja kũu Jerusalemu. Itũũra rĩu rĩa Jerusalemu nĩrĩo MWATHANI aathuurĩĩte gatagatĩinĩ ka matũũra moothe nĩguo andũ mamũthaathayagĩrie kuo. Nyina wa Rehoboamu eetagwo Naama, mũtumia woimĩĩte bũrũri wa Aamoni.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mũthamaki Rehoboamu nĩehaandire wega kũu Jerusalemu na agĩthiĩ o na mbere arĩ mũthamaki. Aarĩ na ũkũrũ wa mĩaka mĩrongo ĩna na ũmwe rĩrĩa aatuĩkire mũthamaki, na agĩthamaka arĩ Jerusalemu mĩaka ikũmi na mũgwanja itũũra-inĩ inene rĩrĩa Jehova aathuurĩte kuuma mĩhĩrĩga-inĩ yothe ya Isiraeli nĩgeetha Rĩĩtwa rĩake rĩtũũre kuo. Nyina etagwo Naama, na aarĩ Mũamoni.

Kikuyu Bible (IBUKU RĨRĨA ITHERU RĨA NGAI)

Tondũ ũcio mũthamaki Rehoboamu agĩkĩĩĩkĩra hinya kũu Jerusalemu, agĩthamaka kuo; nĩ gũkorũo Rehoboamu aarĩ wa mĩaka mĩrongo ĩna na ũmwe hĩndĩ ĩrĩa aambĩrĩirie gũthamaka, nake agĩthamaka mĩaka ikũmi na mũgwanja kũu Jerusalemu, itũũra rĩrĩa Jehova aathurĩte mĩhĩrĩga-inĩ yothe ya Isiraeli nĩguo rĩĩtwa rĩake rĩikarage kuo nake nyina etagwo Naama, Mũamoni.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake Rehoboamu agĩgĩthamaka Jerusalemu, agĩkindĩra ũthamaki wake. Naake aambĩrĩirie gũthamaka arĩ wa mĩaka mĩrongo ĩna na ũmwe na agĩthamaka mĩaka ikũmi na mũgwanja kũu Jerusalemu. Itũũra rĩu rĩa Jerusalemu nĩrĩo MWATHANI aathuurĩĩte gatagatĩinĩ ka matũũra moothe nĩguo andũ mamũthaathayagĩrie kuo. Nyina wa Rehoboamu eetagwo Naama, mũtumia woimĩĩte bũrũri wa Aamoni.