2 Chronicles 13:11 — Compare Translations

Kikuyu (Kĩrĩkanĩro Gĩa Gĩkũyũ)

Acio nĩ o macinagĩra MWATHANI ũbaani na makamũrutĩra magongoona ma njino o rũũciinĩ na hwaĩinĩ. Ningĩ nĩmaigaga mĩgate mĩtheru ya kũrutĩrwo MWATHANI igũrũ rĩa meetha ĩrĩa theru, na makagwatia mataawa makamacuuria mĩtĩinĩ ĩrĩa ya thahabu o hwaĩinĩ o hwaĩinĩ. Ithuĩ-rĩ, nĩtũtũire twathĩkagĩra ũrĩa wothe MWATHANI atwathĩĩte, no inyuĩ nĩmũmũtiganĩirie.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

O rũciinĩ na hwaĩ-inĩ nĩmarutagĩra Jehova maruta ma njino na ũbumba ũrĩa ũnungaga wega. Nĩmaigagĩrĩra mĩgate metha-inĩ ĩrĩa theru, na makagwatia matawa marĩa maigĩrĩirwo mũtĩ-inĩ wa thahabu wamo o hwaĩ-inĩ. Ithuĩ nĩtũrũmĩtie maũndũ marĩa Jehova Ngai witũ endaga. No inyuĩ nĩmũmũtiganĩirie.

Kikuyu Bible (IBUKU RĨRĨA ITHERU RĨA NGAI)

na nĩo macinagĩra Jehova mahaki ma njino, o na ũbumba ũrĩa ũnungaga wega, marũcinĩ mothe, o na mahwaĩ-inĩ mothe; o nayo mĩgate ĩrĩa ĩigagwo mbere ya Jehova makamĩigaga wega igũrũ rĩa metha ĩrĩa theru; o na mũtĩ wa kũigĩrĩrũo matawa wa thahabu, hamwe na matawa maguo, makaũmenyerera, nĩguo maakanage mahwaĩ-inĩ mothe; nĩ ũndũ nĩtũtũire tũrũmĩtie watho wa Jehova, Ngai witũ; no inyuĩ nĩmũmũtigĩte.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Acio nĩ o macinagĩra MWATHANI ũbaani na makamũrutĩra magongoona ma njino o rũũciinĩ na hwaĩinĩ. Ningĩ nĩmaigaga mĩgate mĩtheru ya kũrutĩrwo MWATHANI igũrũ rĩa meetha ĩrĩa theru, na makagwatia mataawa makamacuuria mĩtĩinĩ ĩrĩa ya thahabu o hwaĩinĩ o hwaĩinĩ. Ithuĩ-rĩ, nĩtũtũire twathĩkagĩra ũrĩa wothe MWATHANI atwathĩĩte, no inyuĩ nĩmũmũtiganĩirie.