2 Chronicles 18:7 — Compare Translations

Kikuyu (Kĩrĩkanĩro Gĩa Gĩkũyũ)

Ahabu agĩcookeria Jehoshafatu atĩrĩ, “Kwĩ na ũmwe ũtigarĩĩte wĩtagwo Mikaya mũrũ wa Imula. No nĩndĩmũthũire nĩ ũndũ maũndũ marĩa arathaga mangoniĩ no marĩa mooru.” Naake Jehoshafatu akĩmũcookeria atĩrĩ, “Ndwagĩrĩirwo nĩkuuga ũguo.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mũthamaki wa Isiraeli agĩcookeria Jehoshafatu atĩrĩ, “Nĩ kũrĩ mũndũ ũmwe ũrĩa ũngĩtũtuĩrĩria ũhoro kuuma kũrĩ Jehova, no nĩndĩmũthũire tondũ gũtirĩ hĩndĩ andathagĩra ũndũ mwega, no maũndũ mooru hĩndĩ ciothe. Nake nĩwe Mikaia mũrũ wa Imula.” No Jehoshafatu agĩcookia atĩrĩ, “Mũthamaki ndagĩrĩirwo nĩ kuuga ũguo.”

Kikuyu Bible (IBUKU RĨRĨA ITHERU RĨA NGAI)

Nake mũthamaki wa Isiraeli akĩĩra Jehoshafatu ũũ: Nĩhatigarĩte mũndũ ũmwe ũrĩa ũngĩhota gũtũtuĩrĩria ũhoro he Jehova, no nĩndĩmũhohete; nĩ ũndũ ndarĩ aandathĩra maũndũ mega, tiga o ũũru hĩndĩ ciothe; na nĩ Mikaia, mũrũ wa Imula. Nake Jehoshafatu akiuga atĩrĩ, Hĩ! Tiga kuuga ũguo, mũthamaki ũyũ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Ahabu agĩcookeria Jehoshafatu atĩrĩ, “Kwĩ na ũmwe ũtigarĩĩte wĩtagwo Mikaya mũrũ wa Imula. No nĩndĩmũthũire nĩ ũndũ maũndũ marĩa arathaga mangoniĩ no marĩa mooru.”Naake Jehoshafatu akĩmũcookeria atĩrĩ, “Ndwagĩrĩirwo nĩkuuga ũguo.”