2 Chronicles 19:11 — Compare Translations

Kikuyu (Kĩrĩkanĩro Gĩa Gĩkũyũ)

Na rĩĩrĩ, Amaria Mũthĩnjĩri Ngai Ũrĩa Mũnene nĩ we ũrĩkoragwo arĩ mũtuithania maũndũinĩ moothe ma kĩndini. Naake Zebadia mũrũ wa Ishumaeli, mũnene wa Juda, nĩ we ũrĩtuithanagia maciira moothe ma kĩndũire. Nao Alawii nĩ o marĩonaga atĩ matua moothe nĩmaahingio na njĩra ĩrĩa yagĩrĩire. Mataaro macio moothe mũmeekage mũũmĩrĩirie, naake MWATHANI aroikara na arĩa eega.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Na rĩrĩ, Amaria mũthĩnjĩri-Ngai ũrĩa mũnene nĩwe ũrĩmũroraga maũndũ-inĩ mothe makoniĩ Jehova, nake Zebadia mũrũ wa Ishumaeli, o we mũtongoria wa mũhĩrĩga wa Juda, nĩwe ũrĩmũroraga maũndũ-inĩ mothe makoniĩ mũthamaki, nao Alawii nĩmarĩtungataga ta anene marĩ mbere yanyu. Ĩkagai maũndũ mũrĩ na ũũmĩrĩru, nake Jehova arĩkoragwo hamwe na arĩa marĩĩkaga wega.”

Kikuyu Bible (IBUKU RĨRĨA ITHERU RĨA NGAI)

Na atĩrĩrĩ, Amaria, mũthĩnjĩri-Ngai ũrĩa mũnene, nĩwe ũrĩmwathaga maũndũ-inĩ mothe ma Jehova; o nake Zebadia wa Ishumaeli, ũrĩa mwathi wa nyũmba ya Juda, nĩwe ũrĩmũroraga maũndũ-inĩ mothe marĩa makonainie na mũthamaki; o nao Alawii nĩo marĩrũmagia maũndũ manyu me ndungata cianyu. Ĩkagai maũndũ mũũmĩrĩirie, nake Jehova aroikara hamwe na arĩa ega.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Na rĩĩrĩ, Amaria Mũthĩnjĩri Ngai Ũrĩa Mũnene nĩ we ũrĩkoragwo arĩ mũtuithania maũndũinĩ moothe ma kĩndini. Naake Zebadia mũrũ wa Ishumaeli, mũnene wa Juda, nĩ we ũrĩtuithanagia maciira moothe ma kĩndũire. Nao Alawii nĩ o marĩonaga atĩ matua moothe nĩmaahingio na njĩra ĩrĩa yagĩrĩire. Mataaro macio moothe mũmeekage mũũmĩrĩirie, naake MWATHANI aroikara na arĩa eega.”