2 Chronicles 20:21 — Compare Translations

Kikuyu (Kĩrĩkanĩro Gĩa Gĩkũyũ)

Naake arĩĩkia gũcookania ndundu na andũ acio, agĩthuura aini a nyĩmbo a gũthiĩ matongoreetie ita meehumbĩĩte nguo iria meekagĩra marugainĩ marĩa mamũre. Wĩra wao warĩ gũthiĩ magĩkumagia MWATHANI na ciugo ici: “Goocaai MWATHANI, tondũ ũtugi wake nĩ wa tene na tene!”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Thuutha wa kwaranĩria na andũ, Jehoshafatu agĩthuura andũ a kũinĩra Jehova na a kũmũgooca nĩ ũndũ wa riiri wa ũtheru wake, nao hĩndĩ ĩrĩa megũtongoria mbũtũ ĩyo ya ita, makiugaga atĩrĩ: “Cookeriai Jehova ngaatho, nĩgũkorwo wendo wake ũtũũraga nginya tene.”

Kikuyu Bible (IBUKU RĨRĨA ITHERU RĨA NGAI)

Na rĩrĩ, aarĩkia gũtaarana na andũ-rĩ, agĩcoka agĩthura andũ amwe a kũinĩra Jehova nyĩmbo, na kũmũgatha megemetie na ũgemu ũrĩa wa ũtheru, nĩguo matongorie athigari a ita, makiugaga atĩrĩ, Gathai Jehova, nĩ ũndũ tha ciake itũũraga tene na tene.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake arĩĩkia gũcookania ndundu na andũ acio, agĩthuura aini a nyĩmbo a gũthiĩ matongoreetie ita meehumbĩĩte nguo iria meekagĩra marugainĩ marĩa mamũre. Wĩra wao warĩ gũthiĩ magĩkumagia MWATHANI na ciugo ici:“Goocaai MWATHANI, tondũ ũtugi wake nĩ wa tene na tene!”