2 Chronicles 21:13 — Compare Translations

Kikuyu (Kĩrĩkanĩro Gĩa Gĩkũyũ)

Handũ ha ũguo ũrũmĩrĩire mĩtugo mĩũru ya athamaki a Isiraeli ũgagĩtũma andũ a Juda na a Jerusalemu maage kwĩhokeka o ta ũrĩa Ahabu na athamaki arĩa maarĩ thuutha wake matũmire andũ a Aisiraeli maage kwĩhokeka. Ningĩ, nĩworagire aariũ a thooguo arĩa maarĩ eega gũgũkĩra.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

No rĩrĩ, nĩũthiĩte na mĩthiĩre ya athamaki a Isiraeli, na nĩũtongoretie andũ a Juda na a Jerusalemu nĩguo mahũũre ũmaraya, o ta ũrĩa nyũmba ya Ahabu yekire. O na ningĩ nĩũũragĩte ariũ a thoguo, na andũ a nyũmba ya thoguo, na andũ maarĩ aagĩrĩru gũgũkĩra.

Kikuyu Bible (IBUKU RĨRĨA ITHERU RĨA NGAI)

no nĩ gũthiĩ ũthiĩte na mĩthiĩre ya athamaki a Isiraeli, na nĩũtũmĩte Juda, o na andũ arĩa matũũraga Jerusalemu, merirĩrie ngai cia mathara, o ta ũrĩa nyũmba ya Ahabu yekaga, na ningĩ nĩũũragĩte ariũ a thoguo, o acio a nyũmba ya thoguo kĩũmbe, arĩa maarĩ ega gũgũkĩra-rĩ,

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Handũ ha ũguo ũrũmĩrĩire mĩtugo mĩũru ya athamaki a Isiraeli ũgagĩtũma andũ a Juda na a Jerusalemu maage kwĩhokeka o ta ũrĩa Ahabu na athamaki arĩa maarĩ thuutha wake matũmire andũ a Aisiraeli maage kwĩhokeka. Ningĩ, nĩworagire aariũ a thooguo arĩa maarĩ eega gũgũkĩra.