2 Chronicles 22:9 — Compare Translations

Kikuyu (Kĩrĩkanĩro Gĩa Gĩkũyũ)

Naake Jehu agĩathana Ahazia acario, naake agĩkorwo ehithĩĩte Samaria. Nao arĩa maamũcaragia mamuona makĩmũtwara kwĩ Jehu, makĩmũũraga. Nao makĩmũthika nĩ ũndũ wa gĩtĩĩo gĩa ithe Jehoshafatu ũrĩa watungatĩire MWATHANI na kĩyo kĩnene. Na rĩĩrĩ, gũtiatigarire mũndũ o na ũmwe thĩinĩ wa mũciĩ wa Ahazia ũngĩahotire gũthamaka.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ningĩ akiuma agacarie Ahazia, nao andũ a Jehu makĩnyiita Ahazia rĩrĩa eehithĩte Samaria. Akĩrehwo kũrĩ Jehu na akĩũragwo. Nao makĩmũthika nĩgũkorwo moigire atĩrĩ, “Aarĩ ũmwe wa ariũ a Jehoshafatu, ũrĩa warongoragia Jehova na ngoro yake yothe.” Nĩ ũndũ ũcio gũkĩaga mũndũ thĩinĩ wa nyũmba ya Ahazia warĩ na ũhoti mũiganu wa kũrũgamĩrĩra ũthamaki ũcio.

Kikuyu Bible (IBUKU RĨRĨA ITHERU RĨA NGAI)

Ningĩ agĩgĩcarithia Ahazia, akĩmũnyitithia, (nake agĩkorũo ehithĩte Samaria,) nao andũ magĩkĩmũtwara kwĩ Jehu, makĩmũũraga; nao makĩmũthika, nĩ ũndũ moigire atĩrĩ, Nĩ mũrũ wa Jehoshafatu ũrĩa warongoragia Jehova na ngoro yake yothe. Nayo nyũmba ya Ahazia ĩgĩgĩkorũo ĩtarĩ na hinya wa kũnyitĩrĩra ũthamaki.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Rĩrĩa Athalia nyina wa mũthamaki Ahazia aamenyire atĩ mũũrũwe nĩoragwo, akĩũragithia andũ oothe a nyũmba ya mũthamaki wa Juda.