2 Chronicles 24:11 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Nao Alawii arĩa meehokeirwo ithandũkũ rĩu, maarĩtwaragĩra atongoria rĩaiyũra. Naake karani wa mũthamaki na Mũthĩnjĩri Ngai Ũrĩa Mũnene arĩa meehokeirwo wĩra ũcio magagĩcitara, na magacookia ithandũkũ o harĩa rĩaigagwo. Nao magĩkĩũngania mbeeca nyingĩ mũno.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Rĩrĩa rĩothe ithandũkũ rĩarehagwo kũrĩ anene a mũthamaki nĩ Alawii, na mona atĩ rĩrĩ na mbeeca nyingĩ, mwandĩki wa nyũmba ya ũthamaki na mũnene ũrĩa wathuurĩtwo nĩ mũthĩnjĩri-Ngai ũrĩa mũnene, mookaga makoonoria ithandũkũ rĩu, na makarĩcookia harĩa rĩaigagwo. Meekaga ũguo o ihinda, kwa ihinda, na makĩũngania mbeeca nyingĩ mũno.
Kikuyu Bible (IBUKU RĨRĨA ITHERU RĨA NGAI)
Na gũgĩtuĩka atĩrĩ, atĩ ihinda rĩa gũtwara ithandũkũ rĩu harĩ anene a mũthamaki rĩakinya, rĩgĩkuuo nĩ Alawii, nao anene acio mona atĩ rĩĩ na mbia nyingĩ thĩinĩ, mwandĩki-marũa wa mũthamaki, o na mũnene ũrĩa watungatagĩra mũthĩnjĩri-Ngai, magĩciruta ciothe ithandũkũ-inĩ rĩu, magĩthiĩ kũiga, narĩo ithandũkũ makĩrĩcokia handũ harĩo. Ũguo nĩguo maagĩĩkaga mũthenya o mũthenya, gũgĩkĩhothithio mbia nyingĩ mũno.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Nao Alawii arĩa meehokeirwo ithandũkũ rĩu, maarĩtwaragĩra atongoria rĩaiyũra. Naake karani wa mũthamaki na Mũthĩnjĩri Ngai Ũrĩa Mũnene arĩa meehokeirwo wĩra ũcio magagĩcitara, na magacookia ithandũkũ o harĩa rĩaigagwo. Nao magĩkĩũngania mbeeca nyingĩ mũno.